Zindagi Ek Kiraye Ka Ghar Hai Qawwali Lyrics

Zindagi ek kiraye ka ghar hai Ek na ek din badalna padega
Maut Jab Tujko aavaz degi Ghar se baahar nikalna padega

Ruth jayengi jab Tujse khushiyan Gham ke dhanche pe dhalna padega
Wakt aesa bhi aaega nadaan Tujko kanton pe chalna padega

Itna maazur ho jaega Tu Itna majboor ho jaega Tu
Ye jo makhmal ka chola hai Tera Ye kafan me badalna padega

Kar le Imaan se dil ki safai Chhod de chhod de Tu burai 

Wakt baki hai ab bhi sambhal ja Warna dozakh mein jalna padega

Aesi ho jaegi Teri haalat Kaam aaegi dolat na takat
Chhod kar Apni unchi haweli Tujko bahar nikalna padega

Jalwa e husn bhi ja baja hai Aur khatra to bhi hai ziyada
Zindagani ka ye raasta hai Har kadam par sambhal na padega

Baap bete ye bhai bhatije Tere sathi hai ye jite jite
Apne angan se uthna padega Apni chokhat se talna padega

Hai bahot hi buri chiz duniya Kyu samajta hai duniya ko apna
Baaz aa ja gunahon se warna Umar bhar Hath malna padega

Pyar se sabko apna banale Jis kadar Ho sake tu dua le
Mat laga aag nafrat ki nadaa Warna Tujko bhi jalna padega

Baal se bhi barik hai rasta Aur Talvar se bhi tez tar hai
Uspe gathdi gunahon ki lekar Hashr mein Tujko chalna padega

Gham ke maron ki halat pe nadaan Has raha hai magar yaad rakhle
Ashk ban ban ke ankhon se Apni Ek Din Tujko dhalna padega

Kabr mein jis gadi jaaega Tu Nekiyan kaam aaengi Tere
Baaz aaja gunahon se warna Hashr tak hath malna padega

Chahta hai agar surkh rooi Chahta hai agar nek naami
Ye adaa chhodni hogi Tujko Is chalan ko badalna padega

Hai agar Tujko insan ban na To yakasar Meri baat sun le
Chhodni hogi har ek burai Khwaahishon ko kuchalna padega

Zindagi ek kiraye ka ghar hai Ek na ek din badalna padega
Maut jab Tujko avaz degi Ghar se bahar nikalna padega

zindagi ek kiraye ka ghar hai lyrics in urdu | zindagi ek kiraye ka ghar hai song | zindagi ek kiraye ka ghar hai song download | जिंदगी एक किराए का घर है अंकुल शास्त्री | zindagi ek kiraye ka ghar hai mp3 song downloadming | zindagi ek kiraye ka ghar hai lyrics in english | zindagi ek kiraye ka ghar hai song download mp3 mr jatt